新搞作!广州旅游观光bus~(蓝线)西关风情线

睇完有着数 2018-11-05 15:16:58



今日要介绍广州旅游观光bus嘅最后一条线

就系西关风情线(蓝线)

其实我个人系最中意呢条线

因为呢条线多野食!!!

吃不能停好吗~




呢条线每一个站都充满美食~

感觉被美食包围了!

唔关我事噶!系d美食引诱我食距地噶!



西关风情线途经嘅站点如下:

北京路步行街(南)→北京路步行街(北)→光孝寺→上下九步行街→陈家祠→荔枝湾→沙面→石室圣心大教堂→海珠广场→北京路步行机(南)



哦系了

除左要带住个胃

仲要准备好相机手机影相~

呢条线上面嘅景点都比较高逼格

适合影相哈哈哈

有广府文化

又有外来文化

感受广州嘅包容并兼

北京路之前介绍黄线果阵时

呢度就唔重复啦


光孝寺

地铁西门口站

光孝寺已经有好耐好耐历史



首先睇下度娘点讲

据《光孝寺志》记载,初为公元前二世纪南越王赵建德之故宅。三国时代,吴国虞翻谪居于此,辟为苑囿,世称虞苑。虞翻死后,家人舍宅作寺。寺名曾几次更改,初名制止寺,东晋隆安五年(401年)称五园寺,唐代称乾明法性寺,五代南汉时称乾亨寺,北宋时称万寿禅寺,南宋时称报恩广孝寺,不久后改广字为光字,才改名光孝寺。



每当有咩会之类

成个光孝寺就会逼满人

超级热闹

旁边有几间斋菜馆

性价比都仲几ok

可以去试试




光孝路上面有超出名嘅集北水蛇粥

煎面尤其好食~

仲有信行丰炖品王

每次路过都中意入去点碗汤

同达扬炖品相比

呢度品种更多

价钱便小小

我每次去点嘅都系牛奶炖竹丝鸡~

香浓嘅牛奶加上嫩滑嘅竹丝鸡

牛奶经过加热冇咁漏

竹丝鸡吸收晒牛奶嘅香味之余仲超级嫩滑

所以一个人饮一碗啱啱好~



上下九步行街

地铁长寿路站

广州有名嘅两条老步行街之一

(另一条系北京路)

虽然呢度嘅店成日换黎换去

但系都有好多屹立左好多年嘅



呢度有从细食到大嘅宝华面店

食极唔厌嘅陈添记鱼皮

牛肉丸好似乒乓球嘅日月年小食店

(原黎煲冬瓜读pingpang,打左好耐打唔出...最后要去问度娘,原谅我头发长见识短哈哈哈)

广州仅存嘅四大冰室之一嘅顺记冰室

饮茶食饭都唔错嘅莲香楼/陶陶居

“醋香不怕巷子深”嘅猪脚姜

等等等

带住n个胃都唔够阿!




陈家祠

地铁陈家祠站

陈家祠又叫陈氏书院

其实距宜家系一个博物馆黎噶

不过都系以睇建筑为主

陈氏书院独特嘅布局以及独特嘅琉璃屋顶

无一不透露住浓浓嘅岭南早古味~

距被誉为“广州文化名片”

系岭南地区最具文化艺术特色嘅博物馆

门票10蚊~



陈家祠地铁站连住一个大型嘅购物商场

入边有shopping有食野好似仲有游戏机室

一次满足你n个愿望啦

仲有

呢度非常多公仔机

而且呢度嘅公仔机夹到嘅几率都几高哈哈哈

(唔好问我点知嘅,实践是检验真理的唯一标准)


荔枝湾

臭河涌改造工程之后

呢个荔枝湾涌变成左一个景点

宜家涌嘅两岸修葺得好靓

建起左古色古香嘅商铺

仲可以游船




旁边嘅泮塘路仲变成左美食街

开记糖水凌记濑粉向群饭店泮溪酒家

想食乜就食乜~

泮塘呢个名系因为以前呢度一半土地一半池塘

呢度嘅马蹄粉尤其出名

大家可以买d马蹄粉翻去

无论系整马蹄沙定系马蹄糕都咁好食~



沙面

地铁黄沙站

沙面又叫拾翠洲

距本身系珠江冲积而成嘅沙洲

所以就叫沙面

鸦片战争后

清咸丰十一年(1861年)后沦为英、法租界

沙面是广州重要商埠

有十几个国家系沙面设立领事馆

沙面见证了广州近代史的变迁

沙面已成为我国近代史与租界史的缩影

沙面岛上欧陆风情建筑形成了独特的露天建筑“博物馆”

超级多人系度影婚纱相

手机相机要充够电先好黎啦~



想食海鲜大餐嘅话可以考虑黄沙海产市场

想高逼格可以考虑白天鹅

想食特色可以食兰桂坊(最中意食距嘅乳鸽同木瓜雪蛤啦~)

上面呢d都唔啱食?

唔紧要

仲要西城都荟呢个超级大嘅美食广场

任君选择




石室圣心大教堂

地铁一德路站

呢个算系广州最出名嘅教堂位于一德路

石室圣心大教堂1861年开始建造

耗资40万法郎历时25年建成

可与闻名世界嘅法国巴黎圣母院相媲美

系天主教广州教区最宏伟、最具有特色嘅一间大教堂

同时距系国内现存最宏伟的双尖塔哥特式建筑之一

石室圣心大教堂由法国设计师设计

中国工匠建造而成



海珠广场

建于1953年的海珠广场位于广州市老城区中心轴线与滨江景观带的交点

海珠广场见证左海珠桥被炸与重修、解放军进城等重大历史事件

广场中心放住一个解放军嘅纪念雕塑

非常有历史嘅一个地标性建筑




海珠广场旁边仲有广州曾经嘅第一高楼

广州宾馆

上面嘅得云宫听屋企人讲味道好似唔错哦

系比较正宗嘅传统粤菜风味

饮茶食饭都ok

系呢度食饭可以饱览广州美景



如果你唔想食粤菜

广州宾馆旁边起义路有间越南菜都几唔错

叫金越轩

具体地址系起义路32号(近海珠广场)

之前食过铁板芝士鸡球~几好味~

(宜家唔知道仲有冇呢个菜)

觉得味道几唔错而且价钱都算ok

人均40蚊左右

推荐比大家



如果大家觉得贵

金越轩对面就有八珍~

系呢个台风天

整翻碟热辣辣嘅煎饺加上暖粒粒嘅猪红汤

都系一种享受~



蓝线就介绍完啦~

大家见到咁多好玩好食系咪好心动呢~

不过最近几日广州翻台风呀~

都系唔好出街住先啦!

等台风过左先去浪~



你有什么想去的地方?

你想知道哪里的攻略?

小编哪里还做得不够好?

欢迎在公众平台留言

或者私信我哦~

私人微信:KuangRenLY

么么哒(づ ̄ 3 ̄)